Pradhan Mantri Ujjwala Yojana देशातील सर्वसामान्य जनतेसाठी सरकारनं विविध योजना सुरु केल्या आहेत. या योजनांच्या माध्यमातून सरकार गरिब लोकांना पाठबळ देण्याचा प्रयत्न करत आहे. यातीलच एक योजना म्हणजे प्रधानमंत्री उज्ज्वला योजना (Pradhan Mantri Ujjwala Yojana). या योजनेअंतर्गत दारिद्र्यरेषेखालील महिलांना मोफत गॅस कनेक्शनसह (Free gas connection) सिलेंडर दिले जातात. तसेच सिलेंडरबरोबर गॅसची शेगडी देखील मोफत दिली जाते. 2016 पासून ही योजना सुरु करण्यात आली आहे. जाणून घेऊयात या योजनेबद्दल सविस्तर माहिती.
महिलांना पाठबळ देण्यासाठी सरकारनं मोफत गॅस योजना सुरु केली आहे. मोठ्या प्रमाणात इंधनावर पैसा खर्च होतो. त्यामुळं सरकारनं मोफत गॅस देण्याची योजना सुरु केली. सरकारनं आत्तापर्यंत 10 कोटीहून अधिक महिलांना मोफत एलपीजी गॅस कनेक्शन दिली आहेत. महिलांना स्वयंपाक करताना त्रास होऊ नये, धुराचा सामना करावा लागू नये म्हणून हा यजना सुरु करण्यात आलीय. तुम्हाला जर योजनेचा लाभ घ्यायचा असेल तर घेऊ शकता. यासाठी https://www.pmuy.gov.in/ या बेवसाईटवर जाऊन सविस्तर माहिती घ्या.
प्रधानमंत्री उज्ज्वला योजनेचा लाभ कोणाला मिळू शकतो?
या योजनेचा घेण्यासाठी महिलेचं वय हे 18 वर्षापेक्षा जास्त असावं.
संबंधीत महिलेकडे पहिले गॅसचे कनेक्शन नसावे
या योजनेचा लाभार्थी BPL कुटुंबातील असावा
लाभ घेणारी महिला दारिद्र्यरेषेखालील असावी
भारत गॅस, इंडियन गॅस, एचपी गॅस यातून पर्याय निवडा
प्रधानमंत्री उज्ज्वला योजनेसाठी आवश्यक कागदपत्रे कोणती?
या योजनेचा लाभ घेण्यासाठी जात प्रमाणपत्र आवश्यक आहे.
BPL रेशनकार्ड आवश्यक आहे.
मोबाईल नंबर
उत्पन्नाच्या दाखल्यावर पत्त्याचा पुरावा
पासपोर्ट आकाराचा फोटो
